Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
Στιχηρα του Πασχα
Ηχος πλ.α'
Στιχ. Αναστητω ο Θεος, και διασκορπισθητωσαν οι εχθροι αυτου, και φυγετωσαν απο προσωπου αυτου οι μισουντες αυτον.
Πασχα ιερον ημιν σημερον αναδεδεικται, Πασχα καινον, Αγιον, Πασχα μυστικον, Πασχα πανσεβασμιον, Πασχα Χριστος ο λυτρωτης, Πασχα αμωμον, Πασχα μεγα, Πασχα των πιστων, Πασχα, το πυλας ημιν του Παραδεισου ανοιξαν, Πασχα, παντας αγιαζων πιστους.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
Στιχ. Ως εκλειπει καπνος, εκλιπετωσαν, ως τηκεται κηρος απο προσωπου πυρος.
Δευτε απο θεας Γυναικες ευαγγελιστριαι, και τη Σιων ειπατε, Δεχου παρ' ημων χαρας ευαγγελια, της Αναστασεως Χριστου, τερπου, χορευε, και αγαλλου Ιερουσαλημ, τον Βασιλεα Χριστον, θεασαμενη εκ του μνηματος, ως νυμφιον προερχομενον.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
Στιχ. Ουτως απολουνται οι αμαρτωλοι απο προσωπου του Θεου και οι δικαιοι ευφραθητωσαν.
Αι Μυροφοροι γυναικες, ορθρου βαθεος, επιστασαι προς το μνημα του Ζωοδοτου, ευρον Αγγελον, επι τον λιθον καθημενον, και αυτος προσφθεξαμενος, αυταις ουτως ελεγε, Τι ζητειτε τον ζωντα μετα των νεκρων ; τι θρηνειτε, τον αφθαρτον ως εν φθορα ; απελθουσαι κηρυξατε, τοις αυτου Μαθηταις.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
Στιχ. Αυτη η ημερα, ην εποιησεν ο Κυριος, αγαλλιασωμεθα, και ευφρανθωμεν εν αυτη.
Πασχα το τερπνον, Πασχα Κυριου, Πασχα, Πασχα πανσεβασμιον ημιν ανετειλε, Πασχα, εν χαρα αλληλους περιπτυξωμεθα, ω Πασχα λυτρον λυπης, και γαρ εκ ταφου σημερον, ωσπερ εκ παστου, εκλαμψας Χριστος, τα Γυναια χαρας επλησε λεγων, Κηρυξατε Αποστολοις.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
Δοξα Πατρι και Υιω και Αγιω Πνευματι, και νυν και αει και εις τους αιωνας των αιωνων. Αμην.
ΤΗ ΚΓ' ΤΟΥ ΑΥΤΟΥ ΜΗΝΟΣ ΜΝΗΜΗ ΤΟΥ ΑΓΙΟΥ ΕΝΔΟΞΟΥ ΜΕΓΑΛΟΜΑΡΤΥΡΟΣ ΓΕΩΡΓΙΟΥ ΤΟΥ ΤΡΟΠΑΙΟΦΟΡΟΥ
Απολυτικιον. Ηχος δ'
Ως των αιχμαλωτων ελευθερωτης, και των πτωχων υπερασπιστης, ασθενουντων ιατρος, βασιλεων υπερμαχος, Τροπαιοφορε Μεγαλομαρτυς Γεωργιε, πρεσβευε Χριστω τω Θεω, σωθηναι τας ψυχας ημων.
Κοντακιον. Ηχος δ'
Ο υψωθεις εν τω Σταυρω...
Γεωργηθεις υπο Θεου ανεδειχθης, της ευσεβειας γεωργος τιμιωτατος, των αρετων τα δραγματα συλλεξας σεαυτω, σπειρας γαρ εν δακρυσιν, ευφροσυνη θεριζεις, αθλησας δε δι' αιματος, τον Χριστον εκομισω, και ταις πρεσβειαις Αγιε ταις σαις, πασι παρεχεις πταισματων συγχωρησιν.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
ΣΥΝΑΞΑΡΙΟΝ
Τη ΚΓ' του αυτου μηνος, μνημη του Αγιου και ενδοξου Μεγαλομαρτυρος Γεωργιου του Τροπαιοφορου.
Στιχ. Εχθρους ο τεμνων Γεωργιος εν μαχαις,
Εκων παρ' εχθρων τεμνεται
δια ξιφους.
Ηρε Γεωργιου τριτη εικαδι
αυχενα χαλκος.
Τη αυτη ημερα, μνημη του Αγιου Μαρτυρος Ουαλεριου.
Στιχ. Θειαν κεφαλην ηρεν Ουαλεριου,
Κακη κεφαλη δημιος δια
ξιφους.
Τη αυτη ημερα, μνημη των Αγιων Μαρτυρων Ανατολιου και Πρωτολεοντος, στρατηλατων.
Στιχ. Δυσας Ανατολιος εκτομη καρας,
Εωον ειδε φως νοητον Κυριου.
Ο χριστομαρτυς τεμνεται
Πρωτολεων,
Χριστω πεποιθως ωσπερ
αλκαια λεων.
Τη αυτη ημερα, μνημη του Αγιου Μαρτυρος Αθανασιου του απο Μαγων.
Στιχ. Αθανασιος φαρμακος τομην καρας,
Ψυχης νοσουσης ευρε φαρμακον ξενον.
Τη αυτη ημερα, μνημη του Αγιου Μαρτυρος Γλυκεριου του γεωργου.
Στιχ. Λαιμον σον ως γην, ως υννιν δε την σπαθην,
Γεωργε Γλυκεριε, προσφορως
κρινω.
Τη αυτη ημερα, οι Αγιοι Δονατος και Θερινος ξιφει τελειουνται.
Στιχ. Ξιφει, Θερινε, συνθερισθεις
Δονατω,
Αμφω Θεου γινεσθε δραγματα
ξενα.
Τη αυτη ημερα, ο Αγιος Νεομαρτυς Γεωργιος, ο μαρτυρησας εν πολει Πτολεμαιδος κατα το ετος 1752, μαχαιραις κατακοπεις, τελειουται.
Στιχ. Γεωργιος νυν τω Γεωργιω αμα,
Νεος παλαιω συνεταχθη ενθαδε.
Τη αυτη ημερα, μνημη του Αγιου Νεομαρτυρος Λαζαρου του Βουλγαρεως, αθλησαντος κατα το ετος 1802.
Στιχ. Λαζαρος ωφθη Χριστου οπλιτης νεος,
Στερρως αθλησας αικιαις ανυποιστοις.
Ταις των Αγιων σου πρεσβειαις, Χριστε ο Θεος, ελεησον ημας. Αμην.
Εξαποστειλαριον. Ηχος β'
Τοις Μαθηταις συνελθωμεν...
Εαρ ημιν εξελαμψεν, η λαμπρα του Δεσποτου, και θεια εξαναστασις, προς ουρανιον πασχα, εκ γης ημας παραπεμπον, ταυτη δε συνεκλαμπει, του πανενδοξου Μαρτυρος, Γεωργιου η μνημη, η φωταυγης, ην φαιδρως τελεσωμεν ινα θειας, αξιωθωμεν χαριτος, προς Χριστου του Σωτηρος.
Χριστος ανεστη εκ νεκρων, θανατω θανατον πατησας, και τοις εν τοις μνημασι, ζωην χαρισαμενος.
