ΙΑΝΟΥΑΡΙΟΣ ΕΧΩΝ ΗΜΕΡΑΣ ΤΡΙΑΚΟΝΤΑ ΜΙΑΝ Η ημερα εχει ωρας ι' και η νυξ ωρας ιδ' ΤΗ Α' ΤΟΥ ΑΥΤΟΥ ΜΗΝΟΣ Η κατα σαρκα Περιτομη του Κυριου και Θεου και Σωτηρος ημων Ιησου Χριστου και μνημη του εν Αγιοις Πατρος ημων Βασιλειου του Μεγαλου.

ΙΑΝΟΥΑΡΙΟΣ ΕΧΩΝ ΗΜΕΡΑΣ ΤΡΙΑΚΟΝΤΑ ΜΙΑΝ Η ημερα εχει ωρας ι' και η νυξ ωρας ιδ' ΤΗ Α' ΤΟΥ ΑΥΤΟΥ ΜΗΝΟΣ Η κατα σαρκα Περιτομη του Κυριου και Θεου και Σωτηρος ημων Ιησου Χριστου και μνημη του εν Αγιοις Πατρος ημων Βασιλειου του Μεγαλου. Απολυτίκιον της εορτής. Ήχος α'. Του λίθου σφραγισθέντος. Μορφην αναλλοιωτως ανθρωπινην προσελαβες, Θεος ων κατ' ουσιαν, πολυευσπλαχνε Κυριε, και Νομον εκπληρων περιτομην, θελησει καταδεχη σαρκικην, οπως παυσης τα σκιωδη, και περιελης το καλυμμα των παθων ημων. Δοξα τη αγαθοτητι τη ση, δοξα τη ευσπλαγχνια σου, δοξα τη ανεκφραστω Λογε συγκαταβασει σου. Απολυτικιον του Αγιου. Ηχος α' Εις πασαν την γην εξηλθεν ο φθογγος σου, ως δεξαμενην τον λογον σου, δι' ου θεοπρεπως εδογματισας, την φυσιν των οντων ετρανωσας, τα των ανθρωπων ηθη κατεκοσμησας. Βασιλειον ιερατευμα, Πατερ Οσιε, Χριστον τον Θεον ικετευε, δωρησασθαι ημιν το μεγα ελεος. Κοντακιον της εορτης. Ηχος γ' . Η Παρθενος σημερον. Ο των ολων Κυριος περιτομην υπομενει, και βροτων τα πταισματα, ως αγαθος περιτεμνει, διδωσι, την σωτηριαν σημερον κοσμω, χαιρει δε, εν τοις υψιστοις και ο του Κτιστου, Ιεραρχης και φωσφορος, ο θειος μυστης Χριστου Βασιλειος. Κοντακιον. Ηχος δ' Επεφανης σημερον... Ρωμανου του Μελωδου Ωφθης βασις ασειστος τη Εκκλησια, νεμων πασιν ασυλον, την κυριοτητα βροτοις, επισφραγιζων σοις δογμασιν, ουρανοφαντορ Βασιλειε οσιε. ΣΥΝΑΞΑΡΙΟΝ : Τη Α' του αυτου μηνος, εορταζομεν την κατα σαρκα Περιτομην του Κυριου και Θεου και Σωτηρος ημων Ιησου Χριστου. Στιχ. Χριστου περιτμηθεντος, ετμηθη Νομος, Και του Νομου τμηθεντος, εισηχθη Χαρις. Τη αυτη ημερα, μνημη του εν Αγιοις Πατρος ημων Βασιλειου, Αρχιεπισκοπου Καισαρειας Καππαδοκιας του Μεγαλου. Στιχ. Ζη Βασιλειος, και θανων εν Κυριω. Ζη και παρ' ημιν, ως λαλων εκ των βιβλιων. Ιανουαριοιο θανες, Βασιλειε, πρωτη. Τη αυτη ημερα, ο Αγιος Μαρτυς Θεοδοτος ξιφει τελειουται. Στιχ. Ο Θεοδοτος, ουκ ανεξομαι, λεγει, Ει μη κεφαλην του Θεου τμηθω χαριν. Τη αυτη ημερα, ο Αγιος Γρηγοριος, ο πατηρ του Αγιου Γρηγοριου του Θεολογου, εν ειρηνη τελειουται. Στιχ. Εγκωμιαστην οικοθεν πλουτεις, Πατερ, Της σης τελευτης, σου τον εκ μηρου γονον. Ταις αυτων αγιαις πρεσβειαις, Χριστε ο Θεος ελεησον ημας. Αμην. Μεγαλυναρια. Της εορτης. Σαρκα οκταημερος ως βροτος, ο των ολων Κτιστης, περιτεμνεται νομικως, την εξ ακρασιας, ημων κακιαν τεμνων, αυτου την αγαθοτητα μεγαλυνωμεν. Του Αγιου. Τον ουρανοφαντορα του Χριστου, μυστην του Δεσποτου, τον φωστηρα τον φαεινον, τον εκ Καισαρειας, και Καππαδοκων χωρας, Βασιλειον τον μεγαν, παντες τιμησωμεν.