Απολυτικιον. Ηχος β'
Αποστολε Χριστω τω Θεω ηγαπημενε, επιταχυνον, ρυσαι λαον αναπολογητον, δεχεται σε προσπιπτοντα, ο επιπεσοντα τω στηθει καταδεξαμενος, ον ικετευε, Θεολογε, και επιμονον νεφος εθνων διασκεδασαι, αιτουμενος ημιν ειρηνην, και το μεγα ελεος.
Κοντακιον αυτομελον. Ηχος β'
Τα μεγαλεια σου Παρθενε τις διηγησεται; βρυεις γαρ θαυματα, και πηγαζεις ιαματα, και πρεσβευεις υπερ των ψυχων ημων, ως Θεολογος και φιλος Χριστου.
ΣΥΝΑΞΑΡΙΟΝ
Τη Η' του αυτου μηνος, μνημη του Αγιου ενδοξου Αποστολου και Ευαγγελιστου, επιστηθιου φιλου, ηγαπημενου και παρθενου, Ιωαννου του Θεολογου, ητοι η Συναξις της Αγιας κονεως της εκπεμπομενης εκ του ταφου αυτου, ηγουν του μαννα.
Στιχ. Ου βρωσιν, αλλα ρωσιν
ανθρωποις νεμει,
Το του ταφου σου μαννα, μυ-
στα Κυριου.
Ογδοατη τελεουσι ροδισμον
βροντογονοιο.
Τη αυτη ημερα, μνημη του Οσιου
Πατρος ημων Αρσενιου του Μεγαλου.
Στιχ. Λαθειν βιωσας Αρσενιος ηγαπα,
Ος ουδε παντως εκβιωσας λανθανει.
Τη αυτη ημερα, ο Οσιος Μηλης, ο υμνωδος, εν ειρηνη τελειουται.
Στιχ. Εκσταντα Μηλην υμνοποιον εκ βιου,
Υμνειν λογοις δικαιον, ως εμος λογος.
Τη αυτη ημερα, σπειρα ( ταγμα )
στρατιωτων ξιφει τελειουται.
Στιχ. Χριστοφρονουσα σπειρα τεμνεται καρας,
Χριστοκτονουσαν σπειραν ου
μιμουμενη.
Ταις αυτων αγιαις πρεσβειαις, Χριστε ο Θεος, ελεησον ημας. Αμην.
Εξαποστειλαριον. Ηχος β'
Τοις Μαθηταις συνελθωμεν...
Θεολογων εβροντησας, Εν αρχη ην ο Λογος, και προς Θεον ο Λογος ην, και Θεος ην ο Λογος, Αποστολε Ιωαννη, του Χριστου γαρ τω στηθει, επιπεσων κακειθεν δε, πληρες θεολογιας, ρειθρον ζωης, μακαρ αρυσαμενος Θεολογε, την κτισιν αρδεις απασαν, ητις σε και γεραιρει.
Του Οσιου. Ομοιον
Τω του Δεσποτου Οσιε, πειθαρχων θειω νομω, παντα τον κοσμον ελιπες, και λαβων τον σταυρον σου, πατερ Αρσενιε χαιρων, ηκολουθησας τουτω, νηστειαις και τοις δακρυσι, θεοφορε σχολαζων, και προσευχη, στασει τε παννυχω και ησυχια, δι' ης εκραθης πανσοφε, τη Αγια Τριαδι.
