ΤΗ Ε' ΤΟΥ ΑΥΤΟΥ ΜΗΝΟΣ ΜΝΗΜΗ ΤΗΣ ΑΓΙΑΣ ΚΑΙ ΕΝΔΟΞΟΥ ΜΕΓΑΛΟΜΑΡΤΥΡΟΣ ΕΙΡΗΝΗΣ .

Απολυτικιον
Της ερημου πολιτης...

Ο Χριστος η ειρηνη σε Ειρηνην εκαλεσε, συ γαρ την ειρηνην βραβευεις τοις τελουσι την μνημην σου, και υμνοις και ωδαις πνευματικαις, προστρεχουσι τω θειω σου ναω, και πρεσβευεις υπερ παντων, τη Τρισηλιω παρισταμενη Θεοτητι. Απαντες ουν χαρμονικως, την μνημην αυτης τελεσωμεν, τον αντιδοξασαντα αυτην, Χριστον μεγαλυνοντες.

Κοντακιον. Ηχος δ'
Ο υψωθεις...

Την καλλιπαρθενον υμνησωμεν παντες, νυμφην Χριστου, εκ των νεκρων αναστασαν, ην ο Θεος εδοξασε σημειοις φρικτοις. Ειλκυσε γαρ πληθος απειρον, ασεβων εν τη πιστει, και θεοθεν ελαβε, την χριστωνυμον κλησιν. Ο του Θεου γαρ Αγγελος ελθων, εκ Πηνελοπης Ειρηνην εκαλεσε.

ΣΥΝΑΞΑΡΙΟΝ

Τη Ε' του αυτου μηνος, μνημη της Αγιας Μεγαλομαρτυρος Ειρηνης.

Στιχ. Ξιφει θανουσα, και βιωσασα ξενως,
Ειρηνικως τεθνηκας αυθις,
Ειρηνη.
Ειρηνη τμηθεισα ανεγρετο και θανε πεμπτη.

Τη αυτη ημερα, αθλησις των Αγιων Μαρτυρων Νεοφυτου, Γαιου και Γαιανου. Τελειται δε η αυτων Συναξις εν τω σεπτω και σεβασμιω ναω των Αγιων ενδοξων και θαυματουργων Αναργυρων Κοσμα και Δαμιανου, τω οντι εν τοις Δαρειου.

Στιχ. Τρεις Μαρτυρες θανατον ανδρικωτατως,
Υπερ Τριαδος λαμβανουσιν 
Αγιας.

Τη αυτη ημερα, Αναμνησις των εγκαινιων του ναου της Υπεραγιας Θεοτοκου εν τοις Κυρου.

Ταις αυτων αγιαις πρεσβειαις, Χριστε ο Θεος, ελεησον ημας. Αμην.

Εξαποστειλαριον
Γυναικες ακουτισθητε...

Ρωσθεισα καλλιπαρθενε, Σταυρω τω του Κυριου σου, τυραννων ελυσας θρασος, αθλουσα, Μαρτυς γενναιως, και προς Χριστου απειληφας, βραβεια νικης πανσοφε, Ειρηνη μεγαλωνυμε, υπερ ημων δυσωπουσα, των σε τιμωντων εκ ποθου.