ΚΥΡΙΑΚΗ ΙΕ' ΜΑΤΘΑΙΟΥ
ΤΗ ΛΑ' ΤΟΥ ΑΥΤΟΥ ΜΗΝΟΣ
ΜΝΗΜΗ ΤΗΣ ΚΑΤΑΘΕΣΕΩΣ ΤΗΣ ΤΙΜΙΑΣ ΖΩΝΗΣ ΤΗΣ ΥΠΕΡΑΓΙΑΣ ΘΕΟΤΟΚΟΥ
Απολυτικιον. Αναστασιμον
Αγγελικαι Δυναμεις επι το μνημα σου, και οι φυλασσοντες απενεκρωθησαν, και ιστατο Μαρια εν τω ταφω, ζητουσα το αχραντον σου σωμα. Εσκυλευσας τον Αδην, μη πειρασθεις υπ' αυτου, υπηντησας τη Παρθενω, δωρουμενος την ζωην. Ο αναστας εκ των νεκρων, Κυριε δοξα σοι.
Κοντακιον. Την υπερ ημων...
Τη ζωαρχικη, παλαμη τους τεθνεωντας, εκ των ζοφερων, κευθμωνων ο Ζωοδοτης, αναστησας απαντας Χριστος ο Θεος, την αναστασιν εβραβευσε, τω βροτειω φυραματι, υπαρχει γαρ παντων Σωτηρ, αναστασις και ζωη, και Θεος του παντος.
Απολυτικιον. Ηχος πλ.δ'
Θεοτοκε αειπαρθενε, των ανθρωπων η σκεπη, Εσθητα και Ζωνην του αχραντου σου σωματος, κραταιαν τη πολει σου περιβολην εδωρησω, τω ασπορω τοκω σου αφθαρτα διαμειναντα, επι σοι γαρ και φυσις καινοτομειται και χρονος, διο δυσωπουμεν σε, ειρηνην τη πολιτεια σου δωρησαι, και ταις ψυχαις ημων το μεγα ελεος.
Κοντακιον. Ηχος β'
Την εν πρεσβειαις...
Την θεοδοχον γαστερα σου Θεοτοκε, περιβαλουσα η Ζωνη σου η τιμια, κρατος τη πολει σου απροσμαχητον, και θησαυρος υπαρχει, των αγαθων ανεκλειπτος, η μονη τεκουσα αειπαρθενος.
ΣΥΝΑΞΑΡΙΟΝ
Τη ΛΑ' του αυτου μηνος, αναμνησις της εν τη αγια σορω καταθεσεως της τιμιας Ζωνης της Υπεραγιας Θεοτοκου, εν τω σεβασμιω αυτης οικω, τω οντι εν τοις Χαλκοπρατειοις, ανακομισθεισης απο της Επισκοπης Ζηλης επι Ιουστινιανου του βασιλεως. Ετι δε και του γεγονοτος θαυματος, δια της επιθεσεως της τιμιας Ζωνης εις την βασιλιδα Ζωην, την συζυγον Λεοντος, του βασιλεως.
Στιχ. Χρυσην κορωνιδ' οια, σεμνη Παρθενε,
Τω του χρονου τιθημι σην Ζωνην τελει.
Θεντο σορω Ζωνην πρωτη
Παναγνου τριακοστη.
Τη αυτη ημερα, μνημη της ανακαινισεως του ναου της Υπεραγιας Θεοτοκου εν τω Νεωριω.
Στιχ. Νεωριου ο οικος, Αγνη, σου πελει,
Αλλος Σιλωαμ τας ιασεις
εκχεων.
Ταις της αχραντου Μητρος σου πρεσβειαις, Χριστε ο Θεος ημων, ελεησον ημας. Αμην.
